Kohekohe (Dysoxylum spectabile) ye un árbol de tamañu medianu nativu de Nueva Zelanda.
Alcuéntrase nes tierres baxes y montes costeros na mayor parte de la Isla del Norte y tamién se presenta en Marlborough Sounds nel norte de la Isla del Sur.
Los árboles maduros crecen altor de 15 metros, con un tueru d'hasta 1 metro de diámetru. Los boques de kohekohe solíen ser comunes nes güelgues costeres y árees de tierres baxes na Isla del Norte, pero esos monte han cuasi desapaecíu porque la tierra foi usada p'asentamientos humanos o fueron esmordigañaos polos possums.
El kohekohe ye notable por tener carauterístiques de normal acomuñaes con árboles que crecen nel trópicu, por casu ye, caulifloria, produciendo panículos de flores blanques arumaes que crecen direutamente del tueru o les cañes y tien fueyes grandes, brillosas y pinnaes d'hasta 40mm de llargu. Al kohekohe dacuando llámase-y caoba de Nueva Zelanda, porque la so madera ye llixera, fuerte y brinda un finu color coloráu.
Los maorínes herbían la corteza n'agua y bebíenlo como tónicu. La madera yera usada pa construyir canoes pero ye nidia y nun ye durable ante los elementos y tiende a podrecese rápido. Ye bien envalorada pa ser tallada. El kohekohe foi probablemente la cubierta de vexetación dominante na Isla Kapiti primero que fuera clareada a principios de los 1800’s pa cultivu y llendo. El monte de kohekohe en Kapiti ta recuperándose dempués de que los possums fueron erradicaos en 1986.
Dysoxylum spectabile describióse por (G.Forst.) Hook.f. y espublizóse en Handbook of the New Zealand Flora 41. 1864.[1]
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Kohekohe (Dysoxylum spectabile) ye un árbol de tamañu medianu nativu de Nueva Zelanda.
