Kitolod (jeneng latin Longiflora Hippobroma longiflora utawa Isotoma longiflora[1]) ya iku tuwuhan semak kang duwé gagang kembang kang dawa, makutha kembang kang wujud e wujud lintang lan wernane putih resik. sekilas persis wujud kembang melati. jeneng liya saka tuwuhan kitolod iki ing antarané star of bethlehem, madam fate lan star flower [1]. Kitolod iki kalebu ing tuwuhan jamu.
Tuwuhan kitolod duwé dhuwur watara 50 cm, habitus semak, lan minangkka tuwuhan samusim. Tlutuhe putih lan rasané nyegrak uga ngandhut racun. Gagange wujudé bunder, kayu, lan wernane ijo. wujud godhonge dawa, duwé warna ijo, kasar, pucuke lancip lan bonggole sempit, pinggirane mlengkung mlebu, bergerigi mlekuk nyirip. Godhong minangka godhong tunggal kanthi ukuran 2–3 cm lan dawane 5–15 cm. kembang wujudé kaya trompet kanthi makutha bantuk lintang. winihe bunder wujud endhog, cilik lan wernane putih. oyod tuwuhan kitolod ya iku oyod tunggang[1].
Kitolod duwé akèh kandhutan zat aktif. tuladhané ya iku alkaloid kaya ta lobelin, lobelamin, lan isotomin. godhonge ngandhut alkaloid, saponin, flovonoid, lan polifenol. Tlutuh tuwuhan kitolod iki ngandhut racun, nanging pérangan iyane duwé kandhutan efek antiradang, antineoplastik utawa antikanker, anti inflamasi utawa antiperadangan, analgesik, lan hemostatik [1].
Kitolod (jeneng latin Longiflora Hippobroma longiflora utawa Isotoma longiflora) ya iku tuwuhan semak kang duwé gagang kembang kang dawa, makutha kembang kang wujud e wujud lintang lan wernane putih resik. sekilas persis wujud kembang melati. jeneng liya saka tuwuhan kitolod iki ing antarané star of bethlehem, madam fate lan star flower . Kitolod iki kalebu ing tuwuhan jamu.
