Snowbed Willow

Zelojta wjerba (Salix herbacea) je rostlina ze swójby wjerbowych rostlinow (Salicaceae).

Wopis

Zelojta wjerba je w lěću zeleny spalěrowy kerk, kotryž docpěwa wysokosć wot jenož 2 hač do 5 cm.

Zdónk zwjetša podzemsce lěze. Hałuzy su lězace hač postupowace.

Łopjena

Stołpikate łopjena su nimale kruhojte abo owalne, karbikojće rězane a docpěwaja dołhosć wot 8 hač do 20 mm. Wone su na woběmaj bokomaj nahe a błyšćace srjedźozelene.

Kćenja

Kćěje wot julija hač do awgusta. Kćenja su dwudomnje rozšěrjene. Micki wobsteji z małko kćenjow. Muske micki su kulowate a docpěwaja wulkosć wot něhdźe 5 mm. Žónske micki su hłójčkojte a docpěwaja dołhosć wot hač do 1 cm.

Stejnišćo

Rosće na krute přez přesakanje, bjezwapnite pódy.

Rozšěrjenje

Rostlina je w sewjernej Europje, w Šotiskej, w Grönlandskej, na Svalbardźe, w Islandskej, w Alpach, w Jura, w hoberskich horinach, w Pyrenejach a w centralnym masiwje rozšěrjena, při čimž we wysokosćach wot hač do 3300 m wustupuje.

Wužiwanje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 544.
2. ↑ W internetowym słowniku: Weide

Žórła

• Bruno P. Kremer: Steinbachs Naturführer Bäume & Sträucher, ISBN 978-3-8001-5934-5, strona 164 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Zelojta wjerba

Zelojta wjerba. W: FloraWeb.de. (němsce)