Tekst üüb Öömrang Bakern ((mo.) bäkere, bakere) (Sternidae) san en fögelfamile an hiar mä a kuben an ööder fögelfamilin tu at kategorii faan a kuben an waadfögler (Charadriiformes).
Bakern like kuben, jo san oober letjer an smääler an waanre uun a wonter am a süüd. Jo san 24cm bit 40 cm lung, haa smääl, spas ütjluupen jügen an en goobelstört, so üs swaalken. Diarfaan haa's uk hör sjiisk nööm. Bi't fläen hual jo a nääb flooksis lik efter onern. A feedern san witj of grä, an föl slacher haa en suart hüüw.
A miast slacher lewe bi a küst, enkelten oober uk uun't banlun. Jo bräät lik üüb a grünj, miast uun koloniin. A nees lei nai bienööder an san knaap tu käänen mad stianer an song. Bakern swääm ei hal. Wan's faske, rödle jo, stun stal uun a loft, an sjit do lik deel uun't weeder efter letj fask.
Bakern waanre uun a wonter bit Süüdafrikoo an flä sodenang iansis am a eerd uun ian juar.
Am täält 45 slacher, apdiald uun 8 onerfamilin.
Bakern ((mo.) bäkere, bakere) (Sternidae) san en fögelfamile an hiar mä a kuben an ööder fögelfamilin tu at kategorii faan a kuben an waadfögler (Charadriiformes).
