Ежевидните образуваат ред (Erinaceomorpha) на вистински цицачи во кој има само една денешна фамилија − Erinaceidae. Тоа се кратконоги животни со пет прсти на секое стапало и со плантиграден начин на движење (прсните коски и петтата се паралелни со површината на која се оди). Главата е најчесто заострена и со издолжен нос. Крзното може да биде боцкаво (како кај ежевите) или меко (како кај гимнурите).
Морфолошките одлики на претставниците од оваа група се сметаат за примитивни. Тоа се мали цицачи со кратки нозе и големи стапала. Стапалата имаат пет прсти, со исклучок на некои африкански ежеви од родот Atelerix. Ежевидните се движат на плантиграден начин. Двете коски од долната потколеница (тибија и фибула) се сраснати во една коска. Опашката е влакнеста и со различна должина. Главата е издолжена, и тоа повеќе кај гимнурите отколку кај ежевите. Очите се мали, но се подобро развиени од оние на другите инсектојади. Формата на черепот е најразлична. Сите видови имаат мала мозочна кутија.
Формула С П П К 36–44 = 3 1 3–4 3 2–3 1 2–4 3Ежевите се понапредни во својата градба од гимнурите. Најзабележливата разлика меѓу двете потфамилии е крзното. Гимнурите и месечевите стаорци се прекриени со меко крзно, додека ежевите со густо крзно од тенки боцки, кои започнуваат од главата и продолжуваат кон грбот и страните. Бојата варира во зависност од видот, но најчесто таа е со жолти или сивкасто-кафени или црни тонови.
Забната формула на ежевите и гимнурите е мошне слична.
Првите секачи се големи. Кај гимнурите постојат три пара на секачи на секоја вилица, додека кај ежевите е изгубен третиот долен пар.
Постојат 10 родови и 24 видови на ежевидни цицачи.
Ежевидните образуваат ред (Erinaceomorpha) на вистински цицачи во кој има само една денешна фамилија − Erinaceidae. Тоа се кратконоги животни со пет прсти на секое стапало и со плантиграден начин на движење (прсните коски и петтата се паралелни со површината на која се оди). Главата е најчесто заострена и со издолжен нос. Крзното може да биде боцкаво (како кај ежевите) или меко (како кај гимнурите).