Археоциаттар (лат. Archaeocyathi) — суох буолбут эрдэтээҥҥи кембрий саҕана үөскүү сылдьыбыт байҕал харамайдара. Уу түгэҕэр хамсаабакка туттарыллан олороллор эбит. Аһыыр ньымалара — фильтратордар, ол аата ууну сиидэлээн аһыыллар.
Аан бастаан кырамталарын Саха сиригэр Өлүөнэ тардыытыгар 1850 сыллаахха булбуттар. Н.Меглицкэй ону 1851 сыллаахха былыргы үүнээйи быһыытынан ойуулаабыта. Бу алҕаһы 1928 с. Р. Ф. Геккер көннөрбүтэ[1].