She lus 'sy chynney Asteraceae ish cleaysh chiyt (Hypochaeris radicata ny Hypochoeris radicata), as ish gollrish lus ny minnag.
She lus sheer-vio t'ayn, as ee dooghyssagh da'n Oarpey. T'ee ry-akin ayns faaieyn dy mennick. Çheumooie jeh'n Oarpey, t'ee er ny jannoo dooghyssagh ayns America, yn Çhapaan, yn Austrail as yn Teelan Noa, as ny sarkyl ny keayrtyn.
Ta'n duillag wheesh as 20cm er lhiurid. T'ad babbanagh as fynnagh, as reaghit myr roseag mygeayrt bun-fraue. Ta blaa buigh gial eck, as t'adsyn cur magh rassyn fedjagagh ta snaue er y gheay. Ta sapp bainnagh aynjee, as t'eh drigey sheeley magh rish giarrey.
T'ee ry-scarrey voish lus ny minnagh 'sy ghass as y duillag. Ta gass chleaysh chiyt gollagagh as fondagh, agh ta gass lus ny minnag jeeragh as follym. Chammah's shen, ta duillag lus ny minnag feeacklagh, as duillag chleaysh chiyt babbanagh.
Ta dagh ooilley olt cleaysh chiyt yn-ee. She duillag as fraue y bee s'cadjiney. Ta'n duillag yn-ee aw ny coagyrit, agh ta shenn duillagyn reen as snaueaneagh. Cha nel ad sharroo son y chooid smoo, as shen scansh elley eddyr ish as lus ny minnag.
Ta far-chaffee jeant ass fraue rostit cleaysh chiyt.
T'ad credjal dy vel rouyr cleaysh chiyt cur çhingys er cabbil.[1][2]
She lus 'sy chynney Asteraceae ish cleaysh chiyt (Hypochaeris radicata ny Hypochoeris radicata), as ish gollrish lus ny minnag.
She lus sheer-vio t'ayn, as ee dooghyssagh da'n Oarpey. T'ee ry-akin ayns faaieyn dy mennick. Çheumooie jeh'n Oarpey, t'ee er ny jannoo dooghyssagh ayns America, yn Çhapaan, yn Austrail as yn Teelan Noa, as ny sarkyl ny keayrtyn.
