Dä Artikel befasst sich mit dr Pflanzenart Musa × paradisiaca, wo d Banane d Frucht drvo isch. Für anderi Bedütige vom Begriff Banane lueg doo. D Musa × paradisiaca, mäistens dütsch Banane oder gnauer Desserbanane oder Obstbanane, isch e Pflanzenart us dr Gattig vo de Banane. Si isch e Hübrid vo Musa acuminata und Musa balbisiana. Vor allem dr Frucht von e Hufe vo iire Sorte säit mä eso. Banane ghööre im dütschsproochige Ruum zu de Frücht, wo am mäiste gässe wärde.
D Banane stammt ursprünglig us dr südostasiatische Inselwält.[1] Austronesischi Iiwanderer, wo Madagaskar vom hütige Indonesie us besiidlet häi und dr Riis uf Madagaskar brocht häi, häi woorschinlig au d Banane uf Afrika mitgnoo.
Vo de Kanarische Insle, wo d Spanier si scho 1400 uf Plantaasche aapflanzt häi, si si uf Amerika choo.
Bis in d 1960er Joor isch d Hauptsorte für en Export d Gros Michel gsi, wo gröösser gsi isch und mee Gschmack gha het as d Banane hüte. Si si aber von ere Chranket aagriffe worde und mä het ufghöört si z exportiere. Au d Cavendish Banane, wo sä abglööst het, het sit de 1990er Joor e schweere Stand und mä muess bald e nöiji Sorte entwiggle, wo beständig isch gege Chrankäite.
D Musa × paradisiaca, mäistens dütsch Banane oder gnauer Desserbanane oder Obstbanane, isch e Pflanzenart us dr Gattig vo de Banane. Si isch e Hübrid vo Musa acuminata und Musa balbisiana. Vor allem dr Frucht von e Hufe vo iire Sorte säit mä eso. Banane ghööre im dütschsproochige Ruum zu de Frücht, wo am mäiste gässe wärde.
