Clematis alpina, l'è 'na spéce de piànta lianùza che fà part de la famìa de le Ranunculaceae.
L'è 'na piànta rampegànta bèla gaiàrda uriginària de le Alpi e che scàmpa a temperadüre bàse 'nfìna a 20 gràdi sóta zéro. Per tignìs sö, l'è bùna tacàs en pó a töt chèl che la tróa: trónch de le ótre piànte, préde, möscc, ecc...
I fiùr de chèsta piànta i è sèmpe, de culùr celèst (ale ólte ciàr ale ólte piö scür) che g'ha fùrma de campàna. I è portàcc ensìma a 'n gambì bèl lónch (dei 5 ai 12 ghèi) e i crès ensìma al ram che s'è furmàt l'an prìma a la sèa de le fòie. I è atinomòrf e tetràmer (quàter sépali petaloidèi) de rar pentàmer (sich sépali). I fiurés en primaéra-istàt.
Sö le Alpi se la tróa facilmènt (föra che 'ndèle pruvìnce de Novàra e Varés); L'è ràra söi Apenì setentriunài. 'N Europa se la tróa söi mucc del Giüra, endèle Alpi Dinàriche, e 'ndèi Balcani, endènel Càucazo e e piö 'n generàl en töta l'Europa centro-orientàla. A le latitüdini piö àlte se la pöl catà pò a leèl de culìna e al pià, compàgn che 'ndèle regiù àrtiche de l'Euròpa, Azia e Amèrica Setentriunàla.
La preferés 'na tèra calcàrea ma la se adàta pò a 'l teré silìceo conden pH neutro-basich e cu ümidità média. La crès endèl spès dei bósch de mut 'nfìna al leèl sub-alpì subalpini ma quach vólte pò dré a le préde.
Clematis alpina, l'è 'na spéce de piànta lianùza che fà part de la famìa de le Ranunculaceae.
