Hedge Privet

İbota birgözü (lat. Ligustrum ibota) — zeytunkimilər fəsiləsinin birgöz cinsinə aid bitki növü.

Təbii yayılması

Təbii halda Çində, Koreyada, Yaponiyada yayılmışdır.

Botaniki təsviri

Vətənində hündürlüyü 2 m olan, şaxələnmiş çətirli, yarpağını tökən, iri koldur. Uzunsov, yumurtavari yarpaqlarının uzunluğu 7 sm, üstü tünd yaşıl və parlaq, aşağı tərəfi göyümtüldür. İyun-iyul aylarında çiçəkləyir, çiçəkləmə hər il müşahidə edilmir. Ətirli ağ hamaşçiçəklərinin uzunluğu 7 sm-dir. Meyvələri qara, yumru, diametri təxminən 1 sm-ə qədər çəyirdəkdir. Toxum, qələm və peyvəndlə çoxaldılır.

Ekologiyası

İsti və işıqsevən bitkidir, temperaturun kəskin dəyişməsi bitkinin inkişafını zəiflədir. Ibota birgözünün becərilməsi üçün yumşaq məhsuldar torpaq daha əlverişlidir. Quraqlıq dövründə mütləq suvarılması lazımdır. Yaxşı budanır.

Azərbaycanda yayılması

Bir çox rayonlarda park və bağlarda rast gəlinir.

İstifadəsi

Yaşıllaşdırmada tək və qrup əkinlərində dekorativ bitki kimi becərilir.

Ədəbiyyat

• Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.