Scophthalmus maximus est species piscium familiae Scophthalmidarum, quae in aquis marinis vel salmacidis oceani Atlantici, maris Baltici, maris Mediterranei habitat.
Apud Romanos antiquos pisces similes bos, passer, rhombus appellabatur. Rhombus epulum elegans habebatur. Martialis de forma piscis dicit: "Quamvis lata gerat patella rhombum, / rhombus latior est tamen patella".[2] Iuvenalis historiam magni rhombi refert:
cum iam semianimum laceraret Flavius orbem
ultimus et calvo serviret Roma Neroni,
incidit Hadriaci spatium admirabile rhombi
ante domum Veneris, quam Dorica sustinet Ancon,
implevitque sinus; neque enim minor haeserat illis
quos operit glacies Maeotica ruptaque tandem
solibus effundit torrentis ad ostia Ponti
desidia tardos et longo frigore pingues.
destinat hoc monstrum cumbae linique magister
pontifici summo. quis enim proponere talem
aut emere auderet, cum plena et litora multo
delatore forent? dispersi protinus algae
inquisitores agerent cum remige nudo,
non dubitaturi fugitivum dicere piscem
depastumque diu vivaria Caesaris, inde
elapsum veterem ad dominum debere reverti.
si quid Palfurio, si credimus Armillato,
quidquid conspicuum pulchrumque est aequore toto
res fisci est, ubicumque natat. donabitur ergo,
ne pereat.[3]
Plinius Secundus de his piscibus scribit "squatina et rhombus abditi pinnas exertas movent specie vermiculorum, item quae vocantur raiae",[4] atque "Marinorum alii sunt plani, ut rhombi, soleae ac passeres, qui ab rhombis situ tantum corporum differunt—dexter hic resupinatis est illis, passeri laevus, alii longi, ut murena, conger.[5]
Situs scientifici: • ITIS • NCBI • Biodiversity • Encyclopedia of Life • WoRMS: Marine Species • FishBase • INPN France 
Vide "Scophthalmum maximum" apud Vicispecies. Scophthalmus maximus est species piscium familiae Scophthalmidarum, quae in aquis marinis vel salmacidis oceani Atlantici, maris Baltici, maris Mediterranei habitat.
