La bonelia verda es un vèrm marin (phylum dels Echiurians) amb un dimorfisme sexual remirable.
La femèla viu enfotjada dins la sabla, al risc d'èsser chapada per una morina (una raja del genre Myliobate).
La bonelia verda representa un cas de dimorfisme sexual extrèm. En efièch, cal dos ans a la bonelia femèla per venir adulta e aquerir una talha d'1 m, alara que lo mascle a l'estadi adulte serà 200 000 còps mai pichon, e despassarà pas qualques millimètres. Encara a l'estat larvari, lo mascle se masculiniza en s'aprochant e s'acolant a una femèla. Son avenidor es d'èsser aspirat per la trompa de la femèla e d'èsser plaçat dins son « androcèu » que li permet de fecondar los uòus que veirà passar.
