Kattugla høyrer med mellom dei vanlegaste ugleartane i det sørlege Noreg. Ho finst elles i mesteparten av Europa, delar av Marokko, i det sørlege Russland og i store delar av Kina. Namnet sitt har ho fått for kosthaldet sitt; ho et for det meste myser og andre smågnagarar.
Kattugla vert 38 cm lang og 450-550 g tung. Fjørdrakta varierer frå grå til raudbrun, og er stort sett den same over heile kroppen. Vengene er breie og hovudet stort.
Kattugla er aktiv i skumringa og om natta, og lever av smågnagarar, småfugl, amfibium og meitemark. Ho bur helst i lauv- eller blandingsskog, og høyrer til ei av dei vanlegaste «park-uglene» våre. Den største tettleiken av arten her til lands er jamvel i Nygårdsparken i Bergen.
Hekketida er frå mars til juli. Hoa legg 3-5 egg i eit reir som er bygd anten i eit trehòl eller under eit hustak, og etter om lag ein månads rugetid dukkar ungane fram. Etter rundt 45 dagar er dei flygedyktige og kan fanga sitt eige bytte.
Kattugla høyrer med mellom dei vanlegaste ugleartane i det sørlege Noreg. Ho finst elles i mesteparten av Europa, delar av Marokko, i det sørlege Russland og i store delar av Kina. Namnet sitt har ho fått for kosthaldet sitt; ho et for det meste myser og andre smågnagarar.
