सिम तित्रा नेपालमा पाइने एक प्रकारको चराको प्रजाति हो। विश्वमा दुर्लभ मानिने यो चरा संरक्षणको हिसाबले संबेदनसिल अवस्थामा छ। गाईवस्तु चरण, अवैध शिकार तथा वासस्थानको (सिमसार) अभावको कारण यसको प्रजाति सङ्कटमा परेको छ।
सिम तित्राको कैलो सुन्तले कण्ठ, मसिनो तेर्सो धर्सा भएको माथिल्लो भाग र तल्लो भागमा मोटा सेता ठाडा धर्साहरू हुन्छन। यसको भाले र पोथीको रङ्ग मिल्दोजुल्दो हुन्छ। यसको लम्बाई करिब ३७ सेमी हुन्छ।
सिम तित्राका प्रजातिहरू नेपाल, बङ्गलादेश र भारतमा पाइने गर्छन । यो प्रजाति समुन्द्र सतहबाट ७५ मिटर देखि २५० मिटर सम्मको उचाईमा पाइने गर्छ । नेपालको सन्दर्भमा यो चरा विशेषत शुक्लाफाँट वन्यजन्तु आरक्ष र कोशी टप्पु वन्यजन्तु आरक्षमा पाइने गर्छन ।[१]
सिम तित्रा धेरै जसो ओसिलो घाँसेमैदानमा पाइने गर्छन । अग्ला जलासिंचित घाँसेमैदान र सिमसार क्षेत्रहरू यस प्रजातिको उपयुक्त वासस्थान हुन् । यसको प्रमुख आहार फलफूलका बीउहरू तथा किराफट्याङ्ग्राहरू हुन् ।
सिम तित्रा नेपालमा पाइने एक प्रकारको चराको प्रजाति हो। विश्वमा दुर्लभ मानिने यो चरा संरक्षणको हिसाबले संबेदनसिल अवस्थामा छ। गाईवस्तु चरण, अवैध शिकार तथा वासस्थानको (सिमसार) अभावको कारण यसको प्रजाति सङ्कटमा परेको छ।