La Akvoparulio aŭ Norda akvoturdo (Seiurus noveboracensis) estas malgranda paserina birdo de la familio de Paruliedoj de Ameriko kaj malgranda genro de Seiurus. Ĝi estas unu el la plej grandaj membroj de la familio. Ĝi reproduktiĝas en la norda parto de Nordameriko en Kanado, kaj en la nordo de Usono, (en areoj inklude Alaskon). Tiu birdo estas migranta, kaj vintrumas en Centrameriko, Karibio kaj Florido; ankaŭ en Venezuelo, Kolombio kaj Ekvadoro. Ĝi estas tre rara vaganto en okcidenta Eŭropo; ankaŭ en aliaj sudamerikaj landoj.
La Akvoparulio estas granda amerika parulio 12–14 cm longa kun enverguro de 21–24 cm kaj averaĝa pezo inter 13–25 g[1] Kape la krono estas bruna kun blankeca superokula strio. La beko estas pintakra kaj bruna. La gorĝo estas hela kaj strieca je bruna al nigra kun pli forta strieco en brusto kaj flankoj. La dorso kaj vosto estas bruna kaj same la flugiloj sed pli malhelaj. Ambaŭ seksoj estas morfologie similaj. Junuloj havas senkolorajn pli ol blankajn subajn partojn.
La ununura specio kiu povas konfuzigi birdumantojn ĉe la Akvoparulio estas la proksime parenca Motacilparulio (Seiurus motacilla), kiu havas sablokolorajn flankojn, sablokoloran subvoston kaj brilrozajn krurojn. La Motacilparulio ankaŭ tendencas havi blankan gorĝon kiu montras malpli da strieco ol ĉe gorĝo.
Ambaŭ paruliaj specioj (akvoturdoj) piediras pli ol saltetas, kaj ŝajnas esti falontaj ĉar klinas siajn malantaŭaĵojn dum moviĝas.
Ĉe vintrejoj en Puerto-Riko, al Akvoparulio pasas la tagon en manĝejoj kaj flugas ĝis 2 kilometrojn al noktaj ripozejoj. La ripozejoj estas ofte situaj en habitatoj de ruĝa mangrovo.[2]
Akvoparulioj vintrumas en 4 ĉefaj habitatoj en Puerto-Riko: blanka mangrovo, ruĝa mangrovo, nigra mangrovo kaj arbustaro. Maskloj, kiuj estas pli grandaj kaj migras pli frue printempe, preferas vintrumi en blanka mangrovo, kaj povas kaj gajnas pezon dumvintre. Inoj vintrumas en la aliaj pli sekaj kaj malpli manĝoriĉaj habitatoj. Akvoparulioj kiuj vintrumas en ruĝa kaj nigra mangrovoj povas pluhavi la korpopezon tra vintro sed perdas pezon en arbustaro.
La reprodukta habitato de la Akvoparulio estas humidaj arbaroj ĉe akvo, de kio venas la nomo de la specio. Ili nestumas en stumpo aŭ inter arboradikoj, kie la ino demetas 3 al 6 ovojn, kiuj estas kremo- aŭ sablo-koloraj, kun brunaj kaj grizaj punktoj. Tiuj ovoj estas demetataj en tasforma nesto konstruita el folioj, arboŝeleroj kaj radiketoj.
La Akvoparulio estas surgrundema manĝanto, kiu nutras sin per insektoj, moluskojn kaj krustuloj trovitaj inter folirubaĵoj.
Ties kanto estas laŭta sŭii sŭii ĉit ĉit ŭiideliŭ, kaj la alvoko estas akra ĉink.
Akvoparulio La Akvoparulio aŭ Norda akvoturdo (Seiurus noveboracensis) estas malgranda paserina birdo de la familio de Paruliedoj de Ameriko kaj malgranda genro de Seiurus. Ĝi estas unu el la plej grandaj membroj de la familio. Ĝi reproduktiĝas en la norda parto de Nordameriko en Kanado, kaj en la nordo de Usono, (en areoj inklude Alaskon). Tiu birdo estas migranta, kaj vintrumas en Centrameriko, Karibio kaj Florido; ankaŭ en Venezuelo, Kolombio kaj Ekvadoro. Ĝi estas tre rara vaganto en okcidenta Eŭropo; ankaŭ en aliaj sudamerikaj landoj.
