As saxifragals (pronunciau /sasifra'gals/), scientificament en latín Saxifragales (BERCHT. & J Presl, 1820), son una orden de plantas anchiospermas adintro d'as Magnoliofitas.
Se tracta d'un verdader clado monofiletico, seguntes s'ha demostrau con os zaguers estudeos de chenetica molecular. Manimenos, a suya clasificación historica ha estau controvertida, con grupos de plantas que enantes no se'n consideraba parte que agora sí que en son, y belatros que se'n ha sacau.
Os solos rasgors morfolochicos comuns en todas as saxifragals son: os estambres tienen anteras fixas, os carpelos d'o chineceu son libres en o extremo apical y os estigmas son decurrents, y os fruitos son secos.[1]
Ista escasez de rasgos de coherencia morfolochica ye a que chustifica fundamentalment as criticas d'os cladistas morfolochicos a la clasificación muderna d'a orden. Manimenos, como s'ha exposau, os estudeos cheneticos d'ARN ribosomal y de DNA d'os cloroplastos demuestran a existencia d'avantpasaus comuns entre todas as familias de saxifragals.
No totz os autors acceptan a suya estructura actual ni l'árbol filochenico derivau, especialment entre os más fiels a la cladistica tradicional que se basa en a comparación morfolochica d'as plantas y menosprecia o papel d'a chenetica en a Taxonomía. Mesmo entre os defensors de a dita estructura actual, bi n'ha que acceptan que puede estar que s'hese de revisar u, lo menos, matizar con achuda de l'anatomía comparada, anque as prebas d'ancestría común son contundents y, por contra, bi ha pocos rasgos morfolochicos comuns en todas ellas.
Seguntes a zaguera clasificación de l'APG III, d'as saxifragals puede cuaternar-se'n 16 familias:
As saxifragals (pronunciau /sasifra'gals/), scientificament en latín Saxifragales (BERCHT. & J Presl, 1820), son una orden de plantas anchiospermas adintro d'as Magnoliofitas.
Se tracta d'un verdader clado monofiletico, seguntes s'ha demostrau con os zaguers estudeos de chenetica molecular. Manimenos, a suya clasificación historica ha estau controvertida, con grupos de plantas que enantes no se'n consideraba parte que agora sí que en son, y belatros que se'n ha sacau.
