El cocobolo ye una especie de fanerógama, de madera duro de Centroamérica producida por dos de cuatro especies cercanes ente sigo del xéneru Dalbergia. La madera d'estes especies ye bien pervalible y recibe diversos nomes: Caviuna, Cocobolo Prieto, Funeram, Granadillo, Námbar, Ñamba, Palosanto de Nicaragua, Palisandro, Palu negru, Urauna (llingua aborixe), Pau preto (Portugués), Rosewood (Inglés)... lo cual puede producir tracamundiu'l los mercaos de madera.
La especie más conocida y quiciabes la que más se comercia ye Dalbergia retusa, un árbol de tamañu mediu, que suel algamar de 20-25 m d'altor. Por cuenta de la so gran guapura y altu valor, esta especie foi llargamente esplotada y l'árbol alcuéntrase agora en peligru d'estinción sacante en parques nacionales, reserves y plantíos.
El cocobolo ye una madera bien formosa, conocida por camudar el so color en siendo cortada. El corazón suel ser naranxa o acoloratáu, de cutiu amuesa figures de traces irregulares escures sobre la madera. La corteza ye d'un mariellu cremoso y oldea enforma col corazón. Tien una testura fina y paez aceitosu a la vista y al tactu, y soporta la gastadura y l'esposición a l'agua. La madera ye bien dura y trabayar fácilmente, anque por cuenta de la bayura d'aceites naturales, la madera tiende a apexar abrasivos y sierres de dientes finos. Utilízase comúnmente pa culates de pistoles, rifles y pa mangos de cuchiellos. El cocobolo ye amás bastante mestu. Sospriende, si cutir con un tonu musical claru y prestosu. Por cuenta de la so densidá y durez, el cocobolo puede apolazase hasta quedar polencu, con un acabáu cuasi cristalín.
Namái poques cantidaes d'esta pervalible madera lleguen al mercáu y pollo ye cara. El cocobolo ye una escelente opción pa realizar complicaes taracees en tacos de billar fechos a encargu, cepiyos, mangos de cuchiellos, preseos musicales (especialmente guitarres y baxus, Alembic Inc considera'l cocobolo como la madera de la casa y munchos intérpretes famosos como Stanley Clarke usen estos baxos; pero tamién se realizaron dellos preseos de vientu madera con ésitu en cocobolo como clarinetes y oboes, según gaites gallegues, en llugar de granadillo negru), culates de pistoles, chapados decorativos y con forma de figures, concos, xoyeros y otres pieces luxoses. Ye bien apreciáu pa los tacos o palos del xuegu de billar, como fai'l famosu fabricante londinense John Parris. Tamién s'emplega pa faer bolígrafos de luxu y usóse como llastre en barcos. Delles maderes de cocobolo tien una gravedá específica d'alredor de 1,0, esto fai que se fundan na agua. Hai que ser cuidadosu al cortar el cocobolo, yá que los aceites de la madera pueden producir reacciones alérxiques si esnéldase o s'espón a güeyos o piel ensin proteición. Encamiéntase utilizar un sistema de recueya de polvu según un equipu de proteición individual al trabayar esta madera.
Pol so grau de durez la Dalbergia Retusa ye usada pa faer bales de madera, que lleguen a un 98% d'efectividá al utilizase pa matar vampiros con revólveres cubique .38.
Retusin, un O-methylated flavonoid, puede llograse d'esti árbol.[1]
Dalbergia retusa describióse por William Botting Hemsley y espublizóse en Diagnoses Plantarum Novarum ... Mexicanarum 1: 8. 1878.[2]
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. El cocobolo ye una especie de fanerógama, de madera duro de Centroamérica producida por dos de cuatro especies cercanes ente sigo del xéneru Dalbergia. La madera d'estes especies ye bien pervalible y recibe diversos nomes: Caviuna, Cocobolo Prieto, Funeram, Granadillo, Námbar, Ñamba, Palosanto de Nicaragua, Palisandro, Palu negru, Urauna (llingua aborixe), Pau preto (Portugués), Rosewood (Inglés)... lo cual puede producir tracamundiu'l los mercaos de madera.
