Trenggalung utawa tenggalung (Viverra tangalunga) ya iku kéwan kang isih sadulur karo garangan, luwak lan rasé, kalebu kulawarga Viverridae. Ing basa Indonésia/Malayu diarani Musang Tenggalung Déné ing basa Inggris karan Malay civet, Malayan civet lan Oriental civet. Kéwan iki kalebu pratélan kéwan kang "ora nyamari" déning IUCN amarga sebaran kang amba, bisa tahan marang rusaké habitat.[2] Ing basa Kawi karan trambawa, trangglang, sanggrata, wilôngka, pujung-pujung, julungpujut, julung botêt lan grita.
Trenggalung duwé buntut warna ireng lan belang kayadéné ali-ali ing sisih ngisor[3] kanthi cacahé belang watara 15. Déné awaké warna klawu kanthi tutul ireng kang akèh, lan ana belang putih ing gulu. Kéwan iki mangan kéwan-kéwan cilik.
Trenggalung dawané watara 610–670 mm lan buntuté watara 285–355 mm. Déné sikilé antara 94–105 mm. Boboté udakara 5 kg. Trenggalung seneng sesaba ing lemah, sanajan uga kadhang tinemu mènèk ing wit-witan.
Trenggalung sumebar ing wewengkon Indonésia, Malaysia, Filipina, lan Brunei, ya iku ing Kalimantan, Ujung Malaya, [4] Sumatra, lan Sulawesi.[5] lan digawa menyang Maluku. Miturut cathetan, kéwan iki uga tinemu ing Tanah Jawa.[6] Ing 2012, uga kalapuraké tinemu ing Singapura.[7]
Trenggalung kalebu kéwan kang urip dhèwèkan, omnivora, lan duwé papan kuwasa.[8] Trenggalung kalebu kéwan nokturnal
Trenggalung utawa tenggalung (Viverra tangalunga) ya iku kéwan kang isih sadulur karo garangan, luwak lan rasé, kalebu kulawarga Viverridae. Ing basa Indonésia/Malayu diarani Musang Tenggalung Déné ing basa Inggris karan Malay civet, Malayan civet lan Oriental civet. Kéwan iki kalebu pratélan kéwan kang "ora nyamari" déning IUCN amarga sebaran kang amba, bisa tahan marang rusaké habitat. Ing basa Kawi karan trambawa, trangglang, sanggrata, wilôngka, pujung-pujung, julungpujut, julung botêt lan grita.
