European Garden Dormouse

Eliomys quercinus ye una especie de radedor d'a familia gliridae inconfundible por o dibuixo d'a suya cara con un antifaz negro.

Zoonimia

Como atros gliridos recibe a denominación de "mincharra" en muitos puestos de l'Alto Aragón, especialment en as parlas centro-occidentals y d'o semontano occidental. En Labata se diz "mincharra" u "mincharra roya", diferenciando-lo d'a "mincharra blanca", que ye a especie Glis glis. Atras denominacions son charra, hillarda, picharra, pincharra, moregol royet (en Sarllé). En as parlas orientals, centro-orientals y en arias on ha desapareixiu l'aragonés sustituito por o castellán se fa servir denominacions con l'archilexema rata: rata careta, rata dormidera (Castillón de Sos), rata faixada (en Valle de Vio), rata fillarda, rata freixera (en Benás y Sarllé), rata gallarda, rata grillera, rata guillarda, rata mascarda, rata murganyosa (en a val alta de Xiloca), y rata paniquesa.