Li mårticot d' Djibraltar[1] u mårticot amazir[2], c' est l' seu séndje d' Urope, ki dmeure dins les rotches des falijhes di Djibraltar, mins k' i gn aveut eto, divins l' tins e l' Andalouzeye.
No d' l' indje e sincieus latén : Macaca sylvanus
C' est on ptit rabodjou séndje, sins cawe.
Li trô do nez s' drove ådzeu d' on rond muzea.
Li nez n' est waire bricant, mins les årvôs des sorcis bén.
Il a des longs pwels, e-n on spès poyaedje (po poleur sopoirter les iviers), pus påle sol vinte et les costés dvintrins des mimbes; les poys del figueure sont pus court; li biesse est pelêye åtoû des ouys.
Li toû do cou est et l' påme des pates est rôze djaenåsse.[3]
louca come ene djin
mame sipuytant s' djonne
magnant des glands
shonnant dvizer
dilé ene båshele
volant spuyî on valet
sayans d' foumer, u d' tchiker
A Djibraltar, end a sol pegnon, çou ki fwait l' plaijhi des tourisses.
E l' Afrike bijhrece, on l' ritrove coranmint ezès bwès d' montagne (mins nén a Nonne), la k' i sierveut d' nouriteure å liyon d' l' Atlasse et al pantere di l' Atlasse.
E Marok, metans, end a dins l' Mîtrin Atlasse diski dins l' Mîtrin Grand Atlasse (Ayites Bou Oulli). Adon-pwis, dins l' Rif, aprume e payis Jbala (a Nonne di Tandjî).[4]
Li no d' ene aiwe d' Andalouzeye, dilé Aldjezirasse, Guadalcorte, e-n arabe "واد القرص" (ouwed el qard) vout dire l' aiwe ås mårticots.
Li mårticot d' Djibraltar u mårticot amazir, c' est l' seu séndje d' Urope, ki dmeure dins les rotches des falijhes di Djibraltar, mins k' i gn aveut eto, divins l' tins e l' Andalouzeye.
No d' l' indje e sincieus latén : Macaca sylvanus
