Red Chokeberry

Pjelsćojta aronija (Aronia arbutifolia, němsce Filzige Apfelbeere) je rostlina ze swójby róžowych rostlinow (Rosaceae).

Wopis

Pjelsćojta aronija je kerk, kotryž docpěje wysokosć wot 1 hač do 2 (3) m.

Wurostki su zrunane a docpěja wulkosć wot hač do 2 m.

Łopjena

Wuske łopjena su owalne, eliptiske abo wopak jejkojte, sćeńka rězane a docpěja dołhosć wot 2 hač do 8 cm. Jich delnje boki su pjelsćojće kosmate, mjeztym zo hornje boki su błyšćace.

Jich nazymske barbjenje je swětłočerwjene.

Kćenja

Kćěje wot meje hač do junija. Běłe, rědko swětłoróžojte kćenja su dwusplažne a docpěja přeměr wot něhdźe 1 cm a steja po 10 hač po 20 we wotškitarskich pakićach. Jich stołpiki a keluškowe łopješka su pjelsćojće kosmate. Próšniki su čerwjene.

Kćenja so wot insektow wopróšuja.

Płody a symjenja

Płody su swětłočerwjene, jahodojte jabłukowe płody a docpěja přeměr wot hač do 7 mm. Płody su jědźne, ale jenož małko słódne.

Symjenja wot oktobra hač do decembra zrawja.

Stejnišćo

Rostlina je njenaročna a zmjerzkokruta.

Rozšěrjenje

Pochadźa ze sewjerowuchodneje Ameriki.

Žórła

• Botanica, Bäume und Sträucher, Über 2000 Pflanzenporträts, 2006, ISBN 978-3-8331-4467-7, strona 105 (němsce)
• Mayer, Schwegler: Welcher Baum ist das?, Bäume, Sträucher, Ziergehölze, 2008, ISBN 978-3-440-11273-1, strona 166 (němsce)

Eksterne wotkazy

Commons: Aronia arbutifolia – Zběrka wobrazow, widejow a awdiodatajow

• Zapisk při GRIN (jendź.)
• Zapisk při Plants for a future (jendź.)