Marchantia L.

Kägoinpölvaz (latin.: Marchantia) om samlon toižend, äivoččiden kazmusiden heim Kägoinpölvhižed-sugukundaspäi. Palakundan i sugukundan tipine heim.

Leviganduz

Kazmuz putub kaikil kontinentil, sidä kesken Antarktidas. Kägoinpölvaz navedib pal'hid sijid päzutamha konkurencijaspäi — kall'oid, nepsoid pil'vesekahid sijid, paloid.

Ümbrikurjutand

Samlon «lehtesed» (šoiduz) levinedas man pindadme. Anteridijad (mužiksugun äikerdoičendan organad) kazdas eriližil varzil (alusil) tophikš. Arhegonijad (naižsugun äikerdoičendan organad) kogodasoiš toižil varzil (alusil) «tähthaine jaugal» nägunke.

Om severz'-se erikoid seižujikš rujoheinikš. Ende kävutihe Marchantia polymorpha-erikod spravitamha maksan läžundoid.

• Anteridijoiden nägu

• Arhegonijad (naižsugun organad)

Valitud erikod

Kaik om enamba mi 50 erikod heimos. Erased kazvajad Venämas erikod:

• Marchantia alpestris — Al'pižen ezimägišton kägoinpölvaz
• Marchantia latifolia — Levedlehtesine kägoinpölvaz
• Marchantia polymorpha — Polimorfine kägoinpölvaz, heimon tipine erik

Kacu mugažo

• Järgeline pölvaz

Homaičendad