De femielje van de Australische vliehenvangers (Petroicidae) is een middelhroôte femielje van onheveêr 45 veugels die an aollemille in Australazië leven. Sommihe leven mè in een zeêr klein hebied, buvobbeld de Chathamvliehenvanger (Petroica traversi), die a allaen op de Chathameilan'n leef.
Australische vliehenvangers zien compacte veuheltjes mie een korte, rechte snaevel en een in verhoudieng hroôte ronde kop. Ze èn oferonde vleuhels en èn onheveêr de hroôtte van een mosse. Ze leven in vee verschill'nde hebieden, wironder loofbossen, rehenwouen, manhroven en droôg grasland.
Der nissen èn de vurm van een kommetje en deze worn deur de wuufjes ebouwd. Vaok worn ze in de vurke van een takke ezet of in een laehe plante. 't Nist wor bekleêd mie mos en vaok ok de buut'nkant as camouflage voe roôfdier'n.
De femielje van de Australische vliehenvangers (Petroicidae) is een middelhroôte femielje van onheveêr 45 veugels die an aollemille in Australazië leven. Sommihe leven mè in een zeêr klein hebied, buvobbeld de Chathamvliehenvanger (Petroica traversi), die a allaen op de Chathameilan'n leef.
