Panthera (Ocken, 1816) ye un chenero de mamiferos carnivoros de a familia Felidae, en a orden Carnivora. Fa parte d'a subfamilia Pantherinae, de a qual en ye o chenero tipo.
O chenero aglutina belunas d'as especies de grans felidos actuals mas conoixidas, como o lión (Panthera leo), o tigre (Panthera tigris), o leopardo (Panthera pardus) y o yaguar (Panthera onca), con todas as suyas subespecies, y tamién qualques especies extinctas como o lión d'as cavernas (Panthera spelaea) y o yaguar europeu (Panthera gombaszoegensis).
Os miembros de Panthera son Felidae de mida gran, orellas redondas y coda larga. Tienen as zarpas fuertes, con unglas retráctils como totz os felidos, y normalment as patas debanteras más robustas y fuertes que as zagueras.
O pellizo ye cubierto de picas u ocelos, que en o caso concreto d'a especie Panthera leo son marcaus quan naixe, pero tienden a desapareixer a mesura que l'animal se torna adulto. Como en muitos felidos, a presencia de tacas en o pelo ye un caracter basal que se relaciona con o mimetismo y con a estratechia de caza a la guait que practican, y se troba present en os chens de totz ellos. En Panthera tigris, as tacas s'han fusionau en formando rayas verticals.
As especies de Panthera tienen o ueso hioides de tot osificau. Ista ye a caracteristica mas determinant de o chenero.
Tradicionalment se pensaba que l'hioides de ueso yera lo que les permitiba gramar (a diferencia d'atros felidos, que no pueden), pero estudeos mas recients han mostrau que o gramido que fan estaría imposible sin belatras adaptacions no esqueleticas que os miembros de Panthera tienen, como o diametro d'a larinche (mas ampla en proporción) y un engruiximiento d'as cuerdas vocals.[1]
A pantera d'as nieus (Panthera uncia) ye o solo miembro d'o chenero Panthera que no tiene l'hioides feito ueso, por a qual cosa no puede gramar.[1] O ueso hioides semi-osificau de P. uncia ye un d'os caracters que han forzau a revisión d'a taxonomía d'iste chenero. En l'actualidat se debate si P. uncia ye un miembro de Panthera u s'ha de sacar pa creyar con ella unatro chenero, de nombre Uncia.[2]
Panthera (Ocken, 1816) ye un chenero de mamiferos carnivoros de a familia Felidae, en a orden Carnivora. Fa parte d'a subfamilia Pantherinae, de a qual en ye o chenero tipo.
O chenero aglutina belunas d'as especies de grans felidos actuals mas conoixidas, como o lión (Panthera leo), o tigre (Panthera tigris), o leopardo (Panthera pardus) y o yaguar (Panthera onca), con todas as suyas subespecies, y tamién qualques especies extinctas como o lión d'as cavernas (Panthera spelaea) y o yaguar europeu (Panthera gombaszoegensis).
