dcsimg

Apodemus flavicollis ( Asturian )

provided by wikipedia AST

El mure leonado (Apodemus flavicollis) ye un micromamífero del orde de los royedores que ye bien abondosu na so área de distribución, entendíu ente Europa y l'este d'Asia.

Descripción

Ye de mayor tamañu que'l mure de campu (Apodemus sylvaticus). Tienen una coloración pardu acoloratada, clara y brillante nel envés y blanca na zona ventral.

Distribución

Xeneralmente centroeuropea, dende Francia hasta los Urales y dende Escandinavia hasta la Península Itálica y los Balcanes. Tien poblaciones aisllaes nel sur d'Inglaterra y Gales, y estiéndese hasta'l Cáucasu y Palestina. N'España ta acutada al terciu norte, dende onde enfusa bien pocu al sur, la so distribución ye bastante homoxénea pola Cornisa Cantábrica, dende onde enfusa escontra'l norte de Lleón, Burgos, La Rioxa y Soria. En Cataluña habiten les poblaciones más meridionales, nel Montseny y nes sierres mariniegues.

La reproducción tien llugar dende febreru a payares nel norte y centru d'Europa y na España atlántica, na rexón mediterránea puede reproducise mientres tol añu; el periodu reproductor ta influyíu pol clima y la disponibilidá d'alimentu.

Consume frutos y granes arbóreas, de gran valor enerxéticu, la facilidá pa engatar déxa-y recoyer los frutos enantes de maurecer. En dómines de bayura almacenen la comida en galeríes soterrañes, facilitando la so guañada y la dispersión de árboles y parrotals.

Hábitat

Especie con requerimientos forestales estrictos, salvo esceiciones, prefier los montes húmedos de caducifolios, formaciones de galería de riberes y regueros, de normal acompañáu por A. sylvaticus. La pluviometría paez ser el factor que llenda la so distribución, quedando acutada a llugares de más de 1.000 mm de precipitación añal, la so penetración n'ambientes mediterráneos na Península Ibérica nun ye importante, anque si tien llugar n'Italia. La especie ye bien rara n'espacios abiertos, como gorbizales, praos y cultivos. Alcuéntrase-y dende'l nivel del mar hasta los 1.500 metros d'altitú.

Depredación

Ye presa habitual de carnívoros de medianu y pequeñu tamañu, lo mesmo que de rapazos diurnes y nocherniegues.

Patoloxíes

Destaca Taenia parva como l'elementu regulador de poblaciones, pos los animales parasitaos son más fáciles de ser depredaos.

Referencies

Enllaces esternos

license
cc-by-sa-3.0
copyright
Wikipedia authors and editors
original
visit source
partner site
wikipedia AST

Apodemus flavicollis: Brief Summary ( Asturian )

provided by wikipedia AST
Apodemus flavicollis

El mure leonado (Apodemus flavicollis) ye un micromamífero del orde de los royedores que ye bien abondosu na so área de distribución, entendíu ente Europa y l'este d'Asia.

license
cc-by-sa-3.0
copyright
Wikipedia authors and editors
original
visit source
partner site
wikipedia AST