La junana pino (Pinus yunnanensis; ĉine : 云南松 yun nan song) estas specio de konifero en la familio de la pinacoj. Ĝi troviĝas nur en Ĉinujo (Gŭangŝio, Gŭiĝoŭo, sudokcidenta Siĉuano, sudorienta Tibeto kaj Junano).
La junana pino escepte atingas kreskad-ŝosojn de 35 cm en unu sezono. Ĝiaj folioj konstituas faskojn de 2-5 pingloj kaj longas 15 – 20 (30) cm. La strobiloj longas 3 -7 (10) cm, estas hele brunaj, situas flanke sur la branĉoj en grupoj de 2-5, leviĝas sur mallongaj pedunkloj, malfermiĝante dum la dua somero de kreskado. La strobiloskvamoj interne estas kolore brun-purpuraj.
Varioj estas :
En Ĉinujo ĝi ĉefe vegetas en riverbasenoj, sur sekaj kaj sunecaj deklivoj je altitudoj de 600-3 000 m, en la altebenaĵoj de Junano, sed etendiĝante norden en Siĉuano, kie ĝi intergradas kun P. tabuliformis, kaj suden en norda Birmo, kie ĝi intergradas kun P. kesiya. En la freŝdata pasinteco ĝi plivastigis sian arealon ĉar la konkurantaj foliarbaroj estis senarbigitaj.
Aliaj parencaj specioj estas P. hwangshanensis, P. taiwanensis kaj P. thunbergii.
La ligno estas uzata kiel konstruligno, ŝpaloj, bretoj, meblaro, kaj fibroligno. La trunko ankaŭ estas fonto de rezino. La radikoj serveblas por kultivi fungojn, kaj la ŝelo por produkti taninon.
La junana pino (Pinus yunnanensis; ĉine : 云南松 yun nan song) estas specio de konifero en la familio de la pinacoj. Ĝi troviĝas nur en Ĉinujo (Gŭangŝio, Gŭiĝoŭo, sudokcidenta Siĉuano, sudorienta Tibeto kaj Junano).
