Tropinota (Epicometis) turanica Reitter 1889

Гамбусаки туронӣ (лот. Epicometis turanica) — як навъи гамбусак; мансуби гулхӯракҳост.

Ба ғайр аз биёбони регзор ва минтақаҳои баландкӯҳ дар тамоми ҳудуди Осиёи Марказӣ паҳн шудааст. Дар Тоҷикистон дар баландиҳои 400–2000 м аз с. б. вомехӯрад. Дар водии Ҳисор он аввали моҳи март пайдо мешавад. Дар мавзеи Кондараи ноҳияи Варзоб парвози гамбусакҳо ба охири март – аввали апрел рост меояд. Гамбусаки туронӣ баланд парвоз карда наметавонад, аз ин рӯ бештар ба гули дарахтони реза, инчунин гули садбарг, хуч, ток, ҷуворӣ, нахӯд, юнучқа, себ, нок, биҳӣ, бодом, зардолу, олу, дӯлона ва ғ. зарар мерасонад; гарддон ва гардбаргаи гулро маҳв сохта, гулбаргҳоро бо пойҳои худ нобуд мекунад. Гулҳои осебдида ғӯра намебанданд. Гамбусаки туронӣ махсусан дар рӯзҳои гарм фаъол мешавад. Гамбусакҳо пагоҳии рӯз, инчунин дар ҳавои абр ва боронӣ дар гул беҳаракат менишинанд ё дар зери хасу хошок пинҳон мешаванд. Гамбусакҳои болиғ баъди зимистонро гузаронидан дар хок тухм мегузоранд. Кирминаҳо (дарозиашон 14–38 мм) дар замин зиндагӣ карда, пӯсидахок ва решаи гиёҳҳоро мехӯранд. Онҳо тирамоҳ ба зоча табдил ёфта, октябр гамбусаки болиғ мешаванд ва то баҳори оянда дар хок мемонанд.

Тадбирҳои мубориза

• шудгори амиқи тирамоҳӣ ва баҳорӣ;
• чида нест кардани кирмаку зочаҳо;
• истифодаи консентрати лизин (Kl) ва ҳашаракушҳо.

Эзоҳ

Адабиёт

• Вредные животные Средней Азии. М.–Л., 1949;
• Антова Ю. К. Вредители зерновых культур в Таджикистане и меры борьбы с ними. Д., 1951;
• Баева В. Г. Насекомые-вредители семечковых плодовых культур в Гиссарской долине. Д., 1959;
• Кулинич П. Н. Жуки вредящие плодовым и орехоплодным культурам южного склона Гиссарского хребта. Д., 1965.

Сарчашма

• Гамбусаки туронӣ / К. Қаҳҳоров, С. Муҳиддинов // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2017, ҷ. 4). — ISBN 978-99947-33-77-4.

Tropinota turanica là một loài côn trùng trong họ Scarabaeidae. Loài này được Reitter miêu tả khoa học đầu tiên năm 1888.^[1]

Đây là loài gây hại phát triển phổ biến ở Uzbekistan.

Chú thích

Bài viết liên quan đến họ côn trùng Scarabaeidae này vẫn còn sơ khai. Bạn có thể giúp Wikipedia bằng cách mở rộng nội dung để bài được hoàn chỉnh hơn.

• x
• t
• s