Buff Bellied Fat Tailed Mouse Opossum

L-Opossum ġurdien ta' denbu oħxon ta' żaqqu kannella fl-isfar, magħruf xjentifikament bħala Thylamys venustus, huwa mammiferu marsupjal, tat-tribù Thylamyini, fil-familja Didelphidae (didelfidu), fl-ordni Didelphimorphia (didelfimorfju) u huwa wieħed mill-opossumi ġrieden ta' denbhom oħxon nattiv fil-kontinent tal-Amerika t'Isfel.

Dan l-opossum huwa marsupjal kemm arborju (jgħix fis-siġar) kif ukoll terrestri (jgħix mal-art), b'abitudni notturna (attiv bil-lejl). Id-dieta tiegħu tikkonsisti minn waħda insettivora, għalkemm frott, bajd tal-għasafar u annimali vertebrati żgħar bħal gremxul u ġrieden huma inklużi fid-dieta ukoll.

Thylamys venustus huwa speċi b'distribuzjoni fil-kontinent tal-Amerika t'Isfel, prinċiparjament fl-Arġentina u l-Bolivja.

Klassifikazzjoni

• Ordni Didelphimorphia
  • Superfamilja Didelphoidea
    • Familja Didelphidae
      • Sottofamilja Didelphinae
        • Tribù Thylamyini
          • Ġeneru Thylamys
            • Opossum ġurdien ta' denbu oħxon ta' żaqqu kannella fl-isfar, Thylamys venustus

Referenzi

• Wilson, D. E.; Reeder, D. M. Mammal Species of the World, 3rd edition, Johns Hopkins University Press, ISBN 0-8018-8221-4
• Infonatura – sit b'informazzjoni dwar il-fawna tal-kontinent tal-Amerika t'Isfel inklużi l-marsupjali tal-ġeneru Thylamys