El sellu de Salomón (Polygonatum multiflorum) ye una planta de la familia de les liliacees.
Planta viviega de 30 a 60 (80) cm, con rizoma rastreru y tarmos glabros de seición circular. Fueyes alternes asitiaes en 2 files, enteres, non abarzadoras y de forma oval o oblonga. Flores colgantes, ensin golor, dirixíes escontra un llau y aconceyaes en grups de 2 a 5 (6) nes axiles de les fueyes. Periantu campaniforme daqué más estrechu nel mediu que na base, con 6 lóbulos blancos, verdes nel ápiz. Estambres colos filamentos pubescentes. Frutu en baga negru-azulada. Floria mientres tola primavera.[1]
Zones avesees de montes caducifolios y carbes. Típicamente acomuñada a fayedal, pero tamién apaez en montes mistos y sotobosque d'ablanar, pládanu y carbayu con o ensin fayes. La planta sume so tierra mientres parte del añu y puede pasar desapercibida hasta que vuelve brotar en primavera.
Gran parte d'Europa sacante Portugal, Irlanda ya Islandia.[2]
Polygonatum multiflorum describióse por (Linneo) All. y espublizóse en Flora Pedemontana 1: 131. 1785.[3]
.
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. El sellu de Salomón (Polygonatum multiflorum) ye una planta de la familia de les liliacees.
