Nummulites Lamarck 1801

Nummulites ye un chenero fósil de foraminifero macroscopico caracterizau por una clasca con forma externa de lentilla pero adintro con una espiral con numerosas vueltas subdivididas por septos en diferents cambras. Encara que estioron organismos unicelulars podeban plegar comunment a 6 cm de diametro, y dica més. Estioron comuns en as plataformas continentals d'a Mar de Tethys y a suya redolada en o Eoceno, y se troban fósils en totz os países arredol d'a Mar Mediterrania fendo part de calsineras, podendo fer-se servir como fósils guía.

A denominación de "Nummulites" ye o diminutivo d'o latín NUMMULUS, que significa "moneda chicota", referindo-se a la suya forma. En aragonés encara lis dicen "dineretz d'as piedras", y son muito comuns en o Prepireneu, definindo a formación calsineras de Guara, d'o Eoceno meyo

Detalle d'o interior d'a clasca d'un Nummulites.

Calsinera con Nummulites en a Sierra d'Urbasa.