Filipendula vulgaris Moench

Kulawata smalanka (Filipendula vulgaris, syn. Filipendula hexapetala^[2]) jo rostlina ze swójźby rožowych rostlinow (Rosaceae).

Dulkata smalanka

Dulkata smalanka

Płody

Ilustracija, Jacob Sturm (1796)

Wopis

Kulawata smalanka jo wěcejlětna rostlina, kótaraž dośěgnjo wusokosć wót 30 až 60 (90) cm. Čerstwe zelo jo glykosidow dla słabje gadowate.

Jadnotliwe korjenje su kulawaśe tłustnjone a słužy rostlinje ako składowański organ.

Łopjena

Paprośojte łopjena su na wobyma bokoma zelene, pjerinate z 21-81 grupnje zubatymi łopjenkami.

Kwiśonki

Kwiśo wót junija až julija. Wona ma zwětšego 6 kwiśonkowe łopjeńka, kótarež dośěgnu dłujkosć wót 5 až 10 cm. Jeje kronowe łopjeńka zwenka zwětšego su cerwjenojte. Běłe kwiśonki stoje w njepšawych wokołkach.

Někotare zagrodne warjetety njasu rožojte kwiśonki.

Płody

Płody su kósmate, rowne a wurownane.

Stojnišćo

Wóna rosćo na suchych łukach, w krickach, na lěsowych kšomach a swětłych lěsach.

Rozšyrjenje

Rostlina jo w Europje a w Aziji rozšyrjona.

Pódobna družyna

• Bagnowa smalanka (Filipendula ulmaria)

Nožki

1. ↑ W internetowem słowniku: Mädesüß
2. ↑ Po Botanica (glědaj pśi žrědłach)

Žrědła

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, bok 355 (nim.)
• GU Maxi-Kompaß Blumen, ISBN 3-7742-3852-9, bok 178 (nim.)
• Rothmaler, W. et al.: Exkursionsflora von Deutschland, Band 1-4, Spektrum Akademischer Verlag, Heidelberg, Berlin (2002) (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 172 (nim.)
• Strasburger, E. et al.: Lehrbuch der Botanik für Hochschulen. 35. Auflage, Spektrum Akademischer Verlag, Heidelberg, Berlin (2002) (nim.)