Lysimachia nummularia L.

Łažawa žołtnica (Lysimachia nummularia) je rostlina z podswójby myrsinowych rostlinow (Myrsinoideae) znutřka swójby kropačkowych rostlinow (Primulaceae).

Wopis

Łažawa žołtnica je trajne zelo, kotrež docpěje wysokosć wot 10 hač 50 cm.

Stołpiki su ležace a w delnim dźělu korjenja.

Łopjena

Łopjena su kulojte hač owalne, přećiwostejne a tupe. Wone za čas zymy su zelene a docpěja wulkosć wot 3 cm.

Kćenja

Kćěje wot meje hač julija. Złotožołte kćenja steja na dołhich stołpikach w rozporach srjedźnych łopjenow, docpěja šěrokosć wot 1 hač 2 cm a njesu pjeć kónčki. Keluškowe kónčki su wutrobojte, mjeztym zo króny su złotožołte, často čerwjenje dypkate a docpěwaja wulkosć wot 1 hač 2,5 cm.

Pódowy kryčk

Rostlina wutwori wulke přestrjency a so hodźi jako pódowy kryčk w zahrodach.

Stejnišćo

Rosće na tučnych łukach, włóžnych łukach, pastwach, w zahrodach, na brjóhach, w hrjebjach, łučinowych lěsach a na pućowych kromach. Ma radšo skerje włóžne, wutkate a bazowe pódy na wotewrjenych stejnišćach.

Rozšěrjenje

Rostlina je w nimale Europje rozšěrjena, ale faluje w regionje Srjedźneho morja.

Wužiwanje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 675.

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 132 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 276 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Łažawa žołtnica

• Łažawa žołtnica. W: FloraWeb.de. (němsce)
• Rozšěrjenska mapa za Němsku při Floraweb (němsce)