Ixobrychus sturmii (Wagler 1827)

Die dwergrietreier is 'n skaars somerstandvoël en besoeker.

Identifikasie

Die volwassenes het 'n leikleurige rugkant en 'n swaar gestreepte onderkant, maar lyk donker van ver af; die oranjegeel pote hang as hulle vlieg. Jonges, wat 'n rooierige onderkant en rugvere met rooi punte het, verskil verder van ander jong reiers deurdat hul pote ook oranjegeel is. Dwergrietreiers vlieg reguit en nogal soos duiwe. Hulle neem soms 'n regop houding aan as hulle versteur word en vlieg dikwels in 'n boom in as hulle opgejaag word.

25 cm.

Habitat

Hou gewoonlik een-een, maar maak soms in yl kolonies nes en is veral teen skemer en snags aktief. Verkies dig-beboste riviere en oorstroomde bosse.

Verspreiding

Kom yl voor in groot dele van die Wes-Kaap, Oos Kaap, KwaZulu-Natal, Namibië en Botswana en oor die hele Mpumalanga Noord-Wes, Mpumalanga, Limpopo, Mosambiek en Zimbabwe.

Ander name

• Wetenskaplike naam: Ixobrychus sturmii
• Engelse naam: Dwarf Bittern

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bron

• Newman se Voëls van Suider-Afrika, ISBN 1868729826