Clupeiformes

Siyənəkkimilər (lat. Clupeiformes) — Şüaüzgəcli balıqlar (Actinopterygii) dəstəsi. 300-ə yaxın növü var. Sümüklü balıqlara aiddirlər. Bədəni gümüşü, uzunsov, yanlardan sıxılmışdır. Üzgəclərində tikanlı şüalar yoxdur. Bir bel üzgəci vardır. Qarın üzgəcləri 6-8 şüalıdır. Yan xətti yoxdur. Qəlsəmə qapağındakı seysmosensor kanalları yaxşı inkişaf etmişdir. Dəstəyə - siyənəkkimilər, ancouskimilər və dorabkimilər fəsilələrinə aid olan 70 cins və 300 növ daxildir. Xəzərdə və Azərbaycanın ərazi sularında ilk fəsilənin nümayəndələri yaşayır.^[1]

Təsnifatı

• Denticipitidae fəsiləsi
• Ançouslar (Engraulidae) fəsiləsi
• Pristigasteridae fəsiləsi
• Kilqarınlar (Chirocentridae) fəsiləsi
• Siyənəklər (Clupeidae) fəsiləsi

İstinadlar

Ədəbiyyat

1. Azərbaycanın heyvanlar aləmi. Onurğalılar, III cild. Bakı: Elm, 2004, s. 620.
2. Əbdürrəhmanov Y.Ə. Azərbaycan faunası (Balıqlar), VII, cild, Bakı, Elm, 1966, 224 s. 3.