nomes no trilho de navegação
La Afrika nananaso (Nettapus auritus) estas tre malgranda anaso de la grupo de la kairinenoj el subsahara Afriko. Ĝi estas la plej malgranda afrika membro de la grupo de akvobirdoj.
Tiu specio havas buntan plumarbildon. La beko estas flavoranĝa kun nigra kaj hokoforma pinto en supra makzelo. Frunto, vizaĝo (kun kontrasta nigra okulo), gorĝo kaj mallarĝa kolumo estas blankegaj. La krono estas tre malhelverda kaj pluas mallarĝe al nuko, dum estas ĉe kolflankoj kaj sub arelareo tre larĝa helverda areo ovalforma kun nigra bordo kiu separas ĝin el la blanka antaŭa areo.
La supra brusto kaj flankoj estas helbrunaj al ruĝecbrunaj, dum la ventro estas blanka (kion kaŝas akvo dumnaĝe). La dorso kaj vosto estas malhelverdaj. La kruroj estas nigrecaj. Estas blanka areo en mezo de flugiloj kontraste kun la malhela ĝenerala koloro.
Tiu specio estas multe pli buntkolora ol la aliaj du samgenraj de Azio kaj Oceanio respektive.
Tiu afrotropisa specio loĝas ĉe lagetoj kie estas Nimfeacoj.
Ĝi estas unu el la specioj al kiuj aplikiĝas la Agreement on the Conservation of African-Eurasian Migratory Waterbirds (AEWA).
La Afrika nananaso (Nettapus auritus) estas tre malgranda anaso de la grupo de la kairinenoj el subsahara Afriko. Ĝi estas la plej malgranda afrika membro de la grupo de akvobirdoj.
