Tofieldiaceae

Тафільдыевыя^[1] (Tofieldiaceae) — сямейства кветкавых расьлінаў, якое зьмяшчае 4 роды і каля 28 відаў^[2].

Апісаньне

Травы шматгадовыя, карэнішчавыя. Сьцябло з слаба разьвітым сьцябловым лісьцем або безь яго. Прыкаранёвае лісьце плоскае мечападобнае, лінейна-ланцэтнае, з паралельным жылкаваньнем. Кветкі дробныя, сабраныя ў шматкветкавае суквецьце цыліндрычнай формы, радзей адзінкавыя. Калякветнік шасьціскладны. Тычачак 6(9). Плод — каробачка^[1].

Арэал

Распаўсюджаныя ва ўмераных раёнах Эўразіі (асабліва ва Ўсходняй Азіі), у Паўночнай і Паўднёвай Амэрыкі (паўночныя раёны і Анды)^[1].

Крыніцы