La Tolla (Mustelus canis) ye una especie de tiburón de la familia Triakidae. Ye de color gris oliva o marrón, y puede presentar tonos mariellos o blancos abuxaos. Les femes lleguen a vivir dieciseyes años y los machos, diez. Esta musola foi'l primer tiburón nel que se diagnosticó una infeición viral.[1]
El llargor de la tolla algama los 1,5 m, y el so pesu máximu ye de 12 kg. Llega a estes dimensiones máximes a los siete o ocho años d'edá. El tamañu promediu d'esti tiburón ye d'aprosimao 1,2 m. Esta especie medra rápido, pos los machos algamen el maduror a los dos o tres años d'edá, y les femes, a los cuatro o cinco.
Habita con frecuencia en badees y otres zones cercanes a la mariña, y prefier agües poco fondes de menos de 18 m de fondura, pero puede atopase a fondures de 200 m. Esta especie tamién se tien visto n'agua duce anque ye poco probable que sobreviva neses estayes por periodos prolongaos de tiempu. La tolla emigra según la temporada, pos mueve al norte na primavera y al sur na seronda. Ye una especie predominantemente nocherniega.
La tolla ye un depredador carroñeru y comenenciosu que s'alimenta principalmente de grandes crustáceos, incluyendo llagostes, camarones y cámbaros, y pexes pequeños y moluscos. Dalgunos de los pexes pequeños que son cazaos por esta tolla inclúin a la llacha y a la tautoga. Los exemplares nuevos aliméntense de pequeños cábaros, xagorra y cámbaros.
El apareamientu asocede en práuticamente tol so rangu de distribución de mayu a xunetu. Dempués d'un periodu de xestación que varía de los diez a los once meses, la madre da a lluz a una camada que va de los cuatro a los venti alevinos ente fines de la primavera y principios del branu. Les femes de mayor tamañu tienden a tener más críes.
En ciertes árees, la carne de la tolla comercialízase fresco o en salazón pal consumu humanu. Tamién se usa con frecuencia como animal de llaboratoriu y pa decorar acuarios.
La Tolla (Mustelus canis) ye una especie de tiburón de la familia Triakidae. Ye de color gris oliva o marrón, y puede presentar tonos mariellos o blancos abuxaos. Les femes lleguen a vivir dieciseyes años y los machos, diez. Esta musola foi'l primer tiburón nel que se diagnosticó una infeición viral.
