Marabou Afrika (Leptoptilos crumenifer) a zo un evn hirc'harek hag a vev en Afrika issahara.
Un evn bras eo marabou Afrika (war-dro 2.50 m), pavioù hir ha gris dezhañ, du pe gris-teñval e gein hag e zivaskell, gwenn e gof. Dibluñv eo e c'houzoug hag e benn. Ur c'hodell ruz zo a-istribilh ouzh e c'houzoug hag a servij p'emañ an evn o vragal.
Bevañ a ra betek 25 bloaz.
Adalek an oad a 4 bloaz eo gouest da ouennañ hag an aliesañ e chom ar c'houblad asambles a-hed o buhez. Dozvet e vez 2 pe 3 vi gant ar barez en un neizh graet gant briñsennoù.
Er c'houlz-amzer sec'h e c'hoarvez ar gouennañ dre m'eo bas an dour ha diwar-se aezetoc'h pakañ gleskered ha pesked a ya d'ober magadur ar ploged.
Un debrer gagnoù eo marabou Afrika. Gallout a ra debriñ stlejviled, pesked pe mirc'hed-raden ivez.
a vo kavet e Wikimedia Commons.
