ನೆಲ್ಲಿಕಾಯಿ ಪಂಡ ಮರಟ್ ಅಪಿನ ಕಾಯಿ. ಉಂದೆನ್ ತಿನಿಯೆರೆ ಉಪಯೋಗ ಮಲ್ಪುವೆರ ನೆಲ್ಲಿಕಾಯಿನ್ ಆಯುರ್ವೇದ ಪದ್ದತಿದ ಮರ್ದ್ಗ್ ಮಸ್ತ್ ಗಳಸುವೆರ್.
ಚಳಿತ ಕಾಲೊಡು ಇರೆಕುಲೆನ್ ತಾಲ್ಪುನಂಚಿನ ಕಿನ್ಯ ಕಿನ್ಯ ಇರೆಕುಲು ಉಪ್ಪುನ ಸಾಧಾರಣ ಮಧ್ಯಮ ಗಾತ್ರದ ಮರ.ಮರ ೮ಮೀಟರ್ಡ್ದ್ ೧೮ ಮೀಟರ್ ಎತ್ತರ ಮುಟ್ಟ ಬಳಪುಂಡು. ಮರತ ಮೇಲ್ದ ಚೇಕ್ಕೆ ಬೊಳ್ದು ಮಾಸಿದಿನ ಪಚ್ಚೆ ಮಂಜಲ್ ಬಣ್ಣದ ಕಿನ್ಯ ಕಿನ್ಯ ಪೂಕುಳು ಉಪ್ಪುಂಡು[೧] ಕಾಯಿಲು ಉರುಟಾದ್ ಪಚ್ಚೆ ಬಣ್ಣೊಡು ಉಪ್ಪುಂಡು. ಬುಳೆಯಿನ ನೆಲ್ಲಿಕಾಯಿದ ಮೈ ನಯವಾದ್ ಮಿಂಚೊಂದುಪ್ಪುಂಡು.ಕಾಯಿನ್ ಸರಿಯಾದ್ ತೂನಗ ಸ್ಪಷ್ಟವಾದ ತೋಜುನ ಆಜಿ ರೇಖೆ(ಗೀಟ್) ಉಪ್ಪುಂಡು. ಕಾಯಿ ಲುಂಗ್ ನಗ ಕಪ್ಪಾದಿಪ್ಪುಂಡು, ನೆಲ್ಲಿಕಾಯಿ ಪುಳಿ ಪುಳಿಯಾದ್. ವಿಟಮಿನ್'ಸಿ' ಜಾಸ್ತಿ ತಿಕ್ಕುನ ಕಾಯಿ .ನೆಲ್ಲಿಕಾಯಿ ಮರತ ಚೆಕ್ಕೆ ,ಇರೆ,ಪೂ.ಕಾಯಿ ,ಬಿತ್ತ್,ಬೇರ್ ಮಾತಲ ಮರ್ದ್ಗ್ ಉಪಯೋಗ ಆಪುಂಡು[೨]
ನೆಲ್ಲಿಕಾಯಿದ ಚೂರ್ಣ ಬೊಕ್ಕ ಕೊತ್ತಂಬರಿ ಸಮ ಸಮ ದೆತ್ತೊಂದು ರಾತ್ರಿ ನೀರ್ಡ್ ಬೊದೆಲೆರೆ ಪಾಡೊಡು .ಕಾಂಡೆ ಪೊರ್ಲು ಪುರ್ಚಿದ ಅರಿತ್ದ್ ಕಲ್ಲು ಸಕ್ಕರೆ ಪುಡಿ ಸೇರ್ಸ ದ್ ತಿನೊಡು
ದಪ್ಪವಾದಿತ್ತಿನ ೫-೬ ಪಜಿ ನೆಲ್ಲಿಕಾಯಿದ ಬಿತ್ತ್ ದೆತ್ತೆ ದ್ ಚೂರು ಬೆಚ್ಚ ಮಲ್ತ್ ದ್ ರಸೊನು ಪುಂಟ್ ದ್ ದೆತೊಂದು ಬೊಕ್ಕ ರಸನು ಕುಂಟುಡು ಅರಿತ್ದ್ ಕರ್ಬುದ ಪೇರ್ಡ್ ಬೆರೆಸದ್ ಪರೊಡು
ನೆಲ್ಲಿ ಚೆಟ್ಟು ಬೊಕ್ಕ ನೇರೊಲುದ ಬಿತ್ತ್ ಸಮವಾದ್ ಸೇರಾದ್ ಕುಟ್ಟ್ದ್ ನೈಸ್ ಚೂರ್ಣ ಮಲ್ತ್ದ್ . ಅರ್ಧ ಟೀ ಚಮಚ ಚೂರ್ಣನು ಅಲೆಟ್ ಕಲಡಾದ್ ದಿನೊಕು ರಡ್ಡ ಸರ್ತಿ ಪರೊಡು
ನೆಲ್ಲಿಕಾಯಿನ್ ತಿನಿಯೆರೆ ಉಪಯೋಗ ಮಲ್ಪುವೆರ್. ನೆಲ್ಲಿಕಾಯಿ ಆರೋಗ್ಯಗ್ ಬಾರಿ ಎಡ್ಡೆ. ನೆಲ್ಲಿಕಾಯಿದ ಪೊಡಿ ಬೊಕ್ಕ ಎಣ್ಣೆ ಕುಜಲ್ಗ್ ಎಡ್ಡೆ