nomes no trilho de navegação
Los characiformes son un orde de peces con escames qu'entiende a los caracinos y demás parientes. Hai pocos miles d'especies, incluyendo a les pirañes y a los tetras.
Tán debaxo del superorde Ostariophysi, grupu principalmente estremáu pola presencia del aparatu weberiano (serie de huesillos conectaos ente la vexiga natatoria y el oyíu internu). Superficialmente los Characiformes recuerden a los sos parientes los Centrarchidae y a los Cyprinidae. Les más notables diferencies son la presencia d'una pequeña adiposidad carnosa ente l'aleta dorsal y la cola, y la presencia de dientes na boca, anque hai esceiciones a dambes particularidaes. Los bigotes tán ausentes y el cuerpu ta cubiertu d'escames bien definíes.
Los caracinos atópase en llagos tropicales y munchos ríos de Suramérica, Centroamérica, y África central. Ésta y otres evidencies suxuren que primero se diversificaron mientres el Cretáceo, anque hai bien poca conocencia de fósiles. Pocos caracinos fixéronse bien grandes, y son importantes como alimentu y como deporte. Munchos, son bien pequeños. Munches especies son populares n'acuarios gracies a los sos brillosos colores, robustez xeneral y tolerancia a vivir en tanques.
Orixinalmente los caracinos taben arrexuntaos nuna sola familia, los Characidae, ya incluyíos nos Cypriniformes. Depués alredor de 15 families dixebráronse. La clasificación varia según autores y paez que Characidae ye entá polifilético.
Según FishBase l'orde tendría les siguientes families:[1]
.
Los characiformes son un orde de peces con escames qu'entiende a los caracinos y demás parientes. Hai pocos miles d'especies, incluyendo a les pirañes y a los tetras.
