nomes no trilho de navegação
Krypfredlaus (Lysimachia nummularia, bokmål krypfredløs) er ein art i fredlausslekta i nøkleblomfamilien. Arten sitt utbreiingsområde ligg i Europa. Planta vert kring 40 cm lang og har krypande stengel med runde snaue blad. Ho har hjarteforma begerblad som blir 8 mm lange. Krypfredlaus blomstrar kring juli månad i hagar, parkar og skog.
Planta finst i Noreg nord til Trøndelag.
Sjølv om planta veka naturleg i delar av Europa, så blir arten sett på som ein invasiv art i somme plassar der ho har blitt introdusert som hageplante. Den spreier seg aggressivt når tilhøva er gunstige slik som på fuktige stader og nær vatn. Den spreier seg lett i plen. Den kan lett fjernast ved å trekke den opp for hand.
Krypfredlaus er tilgjengeleg som hageplante både i Europa og Nord-Amerika. Den kan nyttast som dekkplante, men kan spreie seg lett og konkurrere ut andre plantar. Den lagar ein fint dekke på område der ein kan avgrense utbreiinga, med sine gule blomstrar.
Planta toler kulde godt og kan overleve med temperaturar ned til -40 grader C både i det meste av Europa og i Nord-Amerika.
Kultivaren 'Aurea' (golden creeping Jenny) har gule blad og er litt mindre aggressive enn arten elles.
Krypfredlaus (Lysimachia nummularia, bokmål krypfredløs) er ein art i fredlausslekta i nøkleblomfamilien. Arten sitt utbreiingsområde ligg i Europa. Planta vert kring 40 cm lang og har krypande stengel med runde snaue blad. Ho har hjarteforma begerblad som blir 8 mm lange. Krypfredlaus blomstrar kring juli månad i hagar, parkar og skog.
