Aerodramus maximus (Hume 1878)

Walét sabangsa kapinis, buntutna méh saperti buntut saéran, leuwih gedé batan kapinis; manuk ieu hirupna ngabubuhan di jero guha atawa di basisir karang, taina keur gemuk jeung sayangna dijieun tina ciduhna bisa didahar sanggeusna dikokolakeun.^[1]

Sajarah Singget

Manuk Walét mangrupa manuk pemakan gegeremet anu boga sipat aerial sarta resep ngaluncur. Manuk ieu boga warna anu poék, hiberna gancang jeung ukuran awak leutik, sarta ngabogaan jangjang ngawangun sabit anu heureut sarta seukeut, sukuna pohara leutik kitu ogé pamatukna sarta jenis manuk ieu henteu kungsi eunteup di tangkal.

Manuk walét miboga kabiasaan cicing di guha-guha atawa imah-imah anu cukup beueus, remang-remang nepi ka poék sarta ngagunakeun langit-langit pikeun némpélkeun sarang minangka tempat istirahat sarta biak.^[2]

Séntra Peternakan

Sentra Peternakan Walét loba di daérah Sumatera, Jawa Barat, Jawa Timur jeung Jawa Tengah

Mangpaat

Hasil ti peternakan walét ieu téh sarangna anu dijieun ti cai acayna (saliva). Sarang walét ieu sajaba miboga harga anu luhur, ogé bisa méré mangpaat pikeun dunya kaséhatan. Sarang walét kapaké pikeun nyageurkeun paru-paru, panas dijero, ngalancarkeun peredaran darah sarta nambah tanaga.^[2]

Rujukan