Tasekkurt tamaziɣt (Assaɣ ussnan: Alectoris barbara) d talmest n tsekrin yeṭṭafaren tawacult n tferdin
Tiddi n n waylal-a tga gar n 33 ar 36 cm, talɣa n tfekka-as tga d tamezzayt (tamdewwrnt). Afraw-is d aras yakk d uzunɣid ma deg wadis-is d ačinay. Tasekkurt tamaziɣt d aylal amagad acku mi ara ad isel i wmesli yfsusen kan ad yefferfer
Tebennu igedfen deg tegnit yekkawen. Sin akin ad yessers gar n 15 ar 20 n tmellalin
Aylal-a yezmer ad yegg aclag (ad yexdem taqeḍɛit) yettawin gar n 7 ar 100 n tsekrin deg tsemhuyt n tegrest. Afraw-is agtini (multicolor) iga-y-as asengel i gerrzen s waṭas
Tasemhuyt n umyaraw n tsekkurt d win id yettilin seg tazwara n Yebrir ar taggara n Yunyu. Tawtemt yessrusay gar n 15 ar 20 n tmellalin maca llant kra n tikwal dgi tezmer tewtemt ad yessers alamma d 25 n tmellalin sin akin ad tezdel fell-asen-t gar n 22 ar 24 n wussan mi ara ad ffɣen ikenzayen (ifeṛṛujen) yeggunin (tt-kalayen) yakk ɣef imawlan-nsen deg usečči. Seld sin n imalasen (snat n ssmanat) ttfɣen-d seg wegdef ibwakken ad ksun yakk d imawlan-nsen
Tasekkurt tamaziɣt d talmest n tsekrin yettidiren deg tmura n tmazɣa ayen is-yefkan isem-is. Seg Lezzayer (yakk d Tmurt n Iqbayliyen) ar Umeṛṛuk d Tunes d Muriṭanya ar umalu n Miẓra d tigzirin Tiknariyin yeṭṭafaren tamurt n Spanya
Tasekkurt tamaziɣt (Assaɣ ussnan: Alectoris barbara) d talmest n tsekrin yeṭṭafaren tawacult n tferdin