Prunus glandulosa C. P. Thunb. ex A. Murray

Žałzata wišnja (Prunus glandulosa) je rostlina ze swójby róžowych rostlinow (Rosaceae).

Wopis

Žałzata wišnja je kerk, kotryž docpěje wysokosć wot 1,5 m.

Hałuzy su krute a ćeńke.

Łopjena

Łopjena su małke, eliptiske hač dołhojće-lancetojte. Wone docpěja dołhosć wot 3 hač 8 cm a husto žałzaće rězane.

Kćenja

Kćěje w pózdnim nalěće. Mnoholičbne kćenja su běłe hač blědoróžojte a so z łopjenami jewja. Wone docpěja přeměr wot 1 hač do 2,5 cm a steja po jednym hač po dwěmaj.

Płody

Jědźne, ale kisałe płody su ćmowočerwjene a něhdźe poł tak wulke kaž wišnje.

Sorće 'Sinensis' a 'Alba Plena'

Kćenja sorty 'Alba Plena'

• Sorta 'Sinensis' njese pjelnjene, róžojte kćenja.
• Sorta 'Alba Plena' resp. 'Alboplena' njese běłe kćenja.

Rozšěrjenje

Rostlina je w Chinskej a Korejskej rozšěrjena.

Žórła

• Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 683 (němsce)
• Mayer, Schwegler: Welcher Baum ist das?, Bäume, Sträucher, Ziergehölze, ISBN 978-3-440-11273-1, strona 174 (němsce)

Eksterne wotkazy

• Nastawk wo Prunus glandulosa z wobrazom (němsce)