Os ensifers u ensiferos (pronunciau /ensi'fes/~/ensi'feɾos/, como "ensifés" u "ensiféros" respectivament; scientificament Ensifera -en latín-) son una suborden d'insectos ortopteros caracterizaus por as antenas largas que tienen, en totz os casos feitas de mas de trenta artillos.[1][2]
Os ensiferos son insectos terrestres, herbivoros en a mayoría de casos. Habitan en a vechetación preta, en a hierba altera, o brancamen d'os árbols, matigals y matullars. Muitas especies son arboricolas,[2] especialment as que viven en ecosistemas tropicals dominaus por a selva. Tamién i ha especies que s'han especializau en fer una vida soterrana,[2] y s'ha descrito ensifers que habitan plenament en o interior d'esplugas y atras cavidatz naturals en ausencia de luz.[2]
Muitas especies tienen colors cripticas que les aduyan a camuflar-se con as plantas, estratechia que ye primordial en a supervivencia de muitas especies, pus son presas ta muitos atros grupos d'animals, como as aus, os reptils y bells mamiferos.
As antenas son mas largas que en os suyos parients os celiferos y, en comparanza con a relativament poca funcionalidat d'aquéllas, en a mayoría d'especies d'ensifers se fan servir ta palpar o entorno. Un gran numer d'especies descritas son nocturnas.[2]
As fembras adultas de todas as especies tienen un ovopositor u oviscapto, que puede gosar estar de grans dimensions en qualques casos.[2] As dimensions y dureza d'os cercos que se troba a canto y canto de l'oviscapto son un d'os caracters que s'emplega ta clasificar as tres superfamilias acceptadas en o grupo: Grylloidea, Rhaphidophoroidea y Tettigonoidea.[3]
Diferents grupos d'ensiferos
Acheta domestica, un grilido.
Os ensifers u ensiferos (pronunciau /ensi'fes/~/ensi'feɾos/, como "ensifés" u "ensiféros" respectivament; scientificament Ensifera -en latín-) son una suborden d'insectos ortopteros caracterizaus por as antenas largas que tienen, en totz os casos feitas de mas de trenta artillos.
