La Majorana (Origanum majorana) es una espècia de planta vivaça de la familha de las Lamiacèas, cultivada coma planta condimentària per sas fuèlhas aromaticas. Es una espècia fòrça pròche de l'Origan (Origanum vulgare).
Sinonim : Majorana hortensis Moench
Planta vivaça, de 60 cm de naut. Fuèlhas opausadas, borrilhudas, vert grisenca, de forma ovala entièra, de 1 a 2 cm de long. Pichonas flors blancas o malvas, amassadas en grops quichat a l'aissèla de las fuèlhas amb doas bractèas en forma de culhèra. La majorana es melifèra.
Espècia originari de l'èst del bacin mediterranèu (Chipre, Turquia), cultivada dempuèi l'Antiquitat dins tota l'Euròpa.
Vivaça cultivada coma una annalla, se multiplica per troces de mata e per semenadas. A besonh d'una exposicion solelhada e supòrta pas l'umiditat combinada al freg. Planta resistant malgrat tot a la gelada. Florason julhet/agost.
Lo parpalhon de nuèch (eterocèr) seguent se noirís de majorana:
L'òli essenciala d'origan compòrta environ 40 % de carvacròl et 20 % de timòl.
Aquela èrba s'emplega jos forma de fuèlhas frescas o secadas, sola o en mescla amb d'autras èrbas, per aromatizar fòrça preparacions culinaras. Son aròma mai delicat qu'aquel de l'origan la rapròcha de la frigola. S'apond en fin de preparacion, un temps de coseson tròp long riscant de far desaparéisser tot son aròma.
L'esséncia obtenguda per distillacion de las flors es antiseptica. Es subretot utilizada per de fumigacions.
Èrba caufanta e relaxanta, amb de proprietats antiseptics, de prene en infusion per sonhar los estats d'ància, de nerviositat, insomnia, migranas, raumàs e mal de las bronquis.
Segon paramètre « Kew liste » pas reconegut :
La Majorana (Origanum majorana) es una espècia de planta vivaça de la familha de las Lamiacèas, cultivada coma planta condimentària per sas fuèlhas aromaticas. Es una espècia fòrça pròche de l'Origan (Origanum vulgare).
Sinonim : Majorana hortensis Moench
