Maxillopoda

'n Einougkrieëfke (Copepoda).

De kaeverpuuetige (Letien: Maxillopoda) vörmen 'n klas aan krabechtige. De klas woort weitesjappelik besjreve in 1956 door Erik Dahl. De einougkrieëfkes (Copepoda) enne rankpuuetige (Cirripedia) zeen de wichtigste subklasse van dees groeate, vörmrieke groep.

Kènmirker

Einougkrieëfkes zeen euveren algemein vrie kluuerloeas. 't Sjaalloeas lief enne kop vörmen ei gehieël. 't Ieëste paar aan aanhingsele van t bórsstök waere gebroek bie 't aete; de euverige doon deens es zwumpuuet en waere gebroek veure veurtbewaeging. Ze höbbe gein samegestèldje ouge. De meiste höbben 'n maximaal lingdje toet 5 mm, dewiel sómmige parasitair saorte 10 cm lank kónne waere.

Rankpuuetige dao-intaenge höbben 'n sjaal van verkalkdje plaetjes rónjelóm 't lief en zès paar aan aanhingselen aan 't bórsstök.

Laefwies

Ónger anger door häör totaal massa (inkel miljarde tónne) zeen de kaeverpuuetige, en den veural de einougkrieëfkes, 'n wichtige voorbrón veur anger zieëdere. De meiste rankpuuetige zitte vasgehech ane baom of aan driefhout, al dan neet mit 'ne steel. De meiste zeen hermafrodiet; anger weer van gesjeie geslech. Aenjmoesjele vindj me döks in groeate aantalen anen óngerkantj van sjeper.

Verspreijing

Einougkrieëfkes kómmen algemeint veur in alle groeate oceane, meh kómmen ouch veur in zeutwatere, wie bergmaeren en werm brónne. Rankpuuetige dao-intaenge kómmen allein veur in zaltwatere.

Taxonomie

• Riek: Animalia (dere)
  • Óngerriek: Eumetazoa (orgaandere)
    • Klaad: Protostomia (oermunjige)
      • Superstam: Ecdysozoa (hujingsbieëster)
        • Stam: Arthropoda (gelidpuuetige)
          • Óngerstam: Crustacea (krabechtige)

De kaeverpuuetige (Letien: Maxillopoda) vörmen 'n klas aan krabechtige. De klas woort weitesjappelik besjreve in 1956 door Erik Dahl. De einougkrieëfkes (Copepoda) enne rankpuuetige (Cirripedia) zeen de wichtigste subklasse van dees groeate, vörmrieke groep.