D Bachforele oder Bachförnli (Salmo trutta fario; alemanischi Näme) isch e Fisch, wo i filne Bäch und Flüss z finde isch und i de Schwiiz de verbraitisti Fisch isch. Trotzdem isch si gföördet, well si recht empfindli uf Wasserverschmutzig reagiert und uf gueti Versteck aagwisen isch, wa nu i Natuurgwässer mögli isch.
S Bachförnli isch e bruu-grüeliche Fisch mit file schwarze Tupfe ufem Rugge und roote a de Siite. S werd bis 30 bis 50 cm lang und wögt denn 8 Kilo.
D Bachforele isch i ganz Europa verbraitet bis an Ural ane, zudem no i de Törkai und im Maghreb nördlich vom Atlas. S lebt i klare chalte suurstoffriiche Bäch und Flüssli, wo schnell flüssed und e chiisige Grund hend. Si laicht bis zonere Hööchi vo 1700 müM, cha sös aber au witter obe gsichtet were. Bachforele verträäget Temperatuure öber 20 Grad nu schlecht. S Bachförnli isch de Laitfisch vo de Forelleregion.
D Laichzitt duuret vom Oktoober bis in Märze, binere Wassertemperatur zwösched 4 und 8 Grad. S Wiibli lait 500 bis 3500 Aier ine Chiisgrueb ab, wo s mit de Schwanzflosse ggrabe hett. Noch zwee bis drai Mönet schlüüffet d Laarffe, wo anderthalb Santimeeter lang sind. Im dritte Joor wered Bachforelle Gschlechtsriif. Si lebet maximal zee Joor.
D Bachforele oder Bachförnli (Salmo trutta fario; alemanischi Näme) isch e Fisch, wo i filne Bäch und Flüss z finde isch und i de Schwiiz de verbraitisti Fisch isch. Trotzdem isch si gföördet, well si recht empfindli uf Wasserverschmutzig reagiert und uf gueti Versteck aagwisen isch, wa nu i Natuurgwässer mögli isch.
D Seeforele oder Seeforn (Salom trutta lacustris; alemanischi Näme) isch e europäische Süesswasserfisch, wo äänlich wie de Lachs zom Laiche Flüss ufewanderet. Well si recht empfindli uf Wasserverschmutzig reagiert ghört si zo de starch gfördete Fisch. D Seeforn isch grösser as s Bachförnli.
D Seeforele isch e längliche Fisch, wo öppe 80 cm lang werd und denn 15 kg wögt. Si isch silbriggrau und het schwarzi Tupfe. I de Laichzitt verformt siche de Underchifel bim Mandli zomene Hoogge, wo geg abe luegt.
De Seeforele chunnt i Mitteleuropa, uf de Britische Insle und z Skandinavie vor. Si lebt i tüüffe subere und chüele Seeje bis zonere Hööchi vo 1100 müM.
Zom Laiche wanderet d Seeforelle abem Augste Flüss und grösseri Bäch ufe. D Laichzitt goot vom Oktober bis in Jänner binere Wassertemperatur zwösched 4 und 8 Grad. S Wiibli schloot in Chiisbode e Muelte mit em Schwanz und lait 1000 bis 20000 Aier. Di junge Förnli wanderet noch aim oder zwai Joor zrugg in See und lebet i fraiem Wasser i mitllere Tüüffi und wered denn Schwebforele gnennt. Wenn si gschlechtsriiff wered suechets tüfferi Stele uuf und tauchet fast 30 Meter tüüff. Vor de Laichwanderig fresset si sich voll. Seeforne wered öber 10 Joor alt.
D Seeforele oder Seeforn (Salom trutta lacustris; alemanischi Näme) isch e europäische Süesswasserfisch, wo äänlich wie de Lachs zom Laiche Flüss ufewanderet. Well si recht empfindli uf Wasserverschmutzig reagiert ghört si zo de starch gfördete Fisch. D Seeforn isch grösser as s Bachförnli.